[عين حر]

السلام عليكم انا جديد بهلموقع وحطيت القصيدة بقسم ثاني لاني ماعرف
والله المهم ماعلينا هذي القصيدة اخر ماكتبه
الشاعر شبيب بن اجعيلان الدقباسي الرشيدي الشاعر الكبير معروف ومايوفيه
الكلام هذي القصيدة تعبر عن حاله الحين وقبل اتركم مع القصيدة
وانطر ردودكم وبو مهدي هو الشاعر عبدالعزيز النغيص الرشيدي


يابو مهدي نشدت عني ومشكور .. .. انا بخير وكل شي (ن) تمامي


في ديرة خضرا بها اشجار وانهور .. .. فيها الحباري يسره والادامي


هي منوة الصقار والطير مسعور .. .. فرخ معلم من طوال الموامي



ماهو بمثلي صار في حيله فتور .. .. ودي ادوج وفاترات عظامي



اذا جلست بمجلسي ماقدر .. .. اثور يكيدني في وجه ربعي مقامي


ويلاه يادور مضي قبل هالدور .. .. راحت علومه مثل وصف الحلامي


يومني اقنص في ونيتات وطيور .. .. انا وربعي لاذكرلي وسامي



وليا ذكر خدن من الوسم ممطور .. .. اروحله وادق فيه خيامي



نمسي على نور ونصبح على نور .. .. من بين ربعن طيبين الحشامي


الكل منهم ماتبينبهم قصور .. .. كلن على ساقة خويه يحامي



واليوم عدوها ولاني بمذكور .. .. ماعدوا اسمي يوم عد الاسامي


غديت مثل العد مبطي ومهجور .. .. وهو قبل يزي قطيع الظوامي


ولا قبل كلن من يردلي الشور .. .. كلن يطاوعني ويسمع كلامي



وليا قنصنا في خد اسهول ووعور .. .. انا دليلتهم بليل الظلامي



اخذتها في عز والحال مستور .. .. واليوم سمح البال وانهيت زامي


ارجى من الله عسى الذنب مغفور .. .. ولا يعرضنا لدروب الاثامي


خلصت من عشرة هوا كل غندور .. .. شبابنا قفى عليه السلامي

الموضوع الأصلي: يابو مهدي | | الكاتب: عين حر | | المصدر: شبكة بني عبس