أخواني الكرام كل عام والجميع بخير
أقدم لكم هذه القصيده
رثاء في شهيد الواجب بدر رخي الرشيدي
تغمده الله بواسع رحمته ودخله فسيح جنات0
يابدر سويت بك يابدر مرثيه=وغنيت بالحزن مع ناس ٍ يغنونه
جريت صوتي على الحن الهجينيه=لوكان صوتي لاجريته ماتوحونه
لاشفت صورتك هليت العبيريه=وونست شئ ٍ يدق القلب طاعونه
يابدر فرقاك فرقاء مثره فيه=وقدامي أمك وبوك الحزن بعيونه
لو اعرف اللي رماك بطلقة ٍ حيه=والله لصله لون الموت من دونه
أما تثاريت لك ياطيب النيه=والا لحقتك وغيري ناس مدفونه
لوكان في ضل حكام السعوديه=كم مجرم ٍ طيرو راسه عن متونه
ويالله يخالق الحسنات والسيه=ياواحد ٍ مايخيب ناس يرجونه
لعل له بالجنان بيوت مبنيه=في جنة الخلد بيت ٍ شامخ ركونه
اطلبك يارب بسماك الالهيه=يارب يامن خلق خلق ٍ يعبدونه
اخوكم ناصر صويان الشويلعي