[صعصعة]

امر غـريبه متصـل خــير فـي شي = تكفـى طـلبتك أختصـر فـي كلامك
ماباقـي الا مـن اثر حبــك شـوي = عـل وعـسى يمـحي غـيابك غـرامك ..

عايش على خبرك ولو ضاع هي هي = ماغير جرح(ن) فيه بصمة بهامك
جرح(ن) بعد ماقلت لي وش تبي فـيّ = من يـوم ذاك اليـوم تنزف سهامك ..

مـن يـوم ذاك الـيـوم لا لــك ولا لي = مـن يـوم ذاك وكــل ما بـيّ يــلامك
واليوم عيد الجـرح ياجرحي الني = اكـبر وهو يكـبر مــعي طاب عامـك ..

عطيتـني جـرح(ن) تـطور مـع الكــي = عـسى يرضى مستـواك ومقامك
في غيـبتك مات الغـلا والـغــلا حــي = فطـرت قلـب(ن) له سنـين صامك ..

واليــوم راجـع لي عقب رحلة الغي = أعلنت من حـرب الفـراق أنهزامك ..
لو تــتصل ما هــي غريـبه ولا شـي = لاتـتصل وفـر عنــاك وســـــلامك