يالموت ياسرعك على عمر نايف = وحنا لازلنا في عزاء فقد سلطان
عليه ياكبر الحزن والحسايف = موته علينا مثل نكبة حزيران
نايف عطاء نايف مثل مانت شايف = نايف وطن نايف لنا درع وآمان
هيبة ملك منها تلعثم شفايف = له حسبتن في كيلة الحق ميزان
لو أمدحه طاحت شموخ الوصايف = يكفيك عن مدحه فراغه ليبان
ماكبرته البهرجه والكلايف = ولايصغر إلالازهمته كحيلان
اللي قصيد المدح عنده طرايف = ما صفق بكفه لشاعر وفنان
اهو الوحيد اللي حياته وضايف = ماشيد اقصور البطر سر وإعلان
قفل مداخيل الغجر والطوايف = وروض مسوقة الفكر وابن علمان
يالله عسى كل الخطايا خفايف = وتجزيه في صون الشريعه بالإحسان
والموت حق ولاقضا بأجل نايف = مالي عزى إلا أن العوض فيه سلمان