[ابن شلال]

البارحة ليلة قصايد وأناشيد
... يوم اوعدتني واخلفت في وعدها

ليلة طويله محزنه دون تحديد
...في ليلة ظلماء وحامي رعدها

أنا ادري انه وافي صافي الجيد
...لكن ظروف الوقت ما هو بيدها

منال راع الحب في كل ما يريد
... ولا ترجع الفرصه على من فقدها

محبته صارت لوجهي تجاعيد
... ومحبة العشاق محد ن جحدها

افرح لشوفه فرحة الناس بالعيد
... واضيق لاشانت ليالي سعدها

بداية العشاق ورد وتغاريد
... ونهاية العشاق محد ن حمدها

أصل المحبة للمحبين تنكيد
... وهذي عوايدها وهذا نكدها

وهذي هدية شاعرك بالمواعيد
... قصائد ن ياشوق محد ن قصدها

والله ما تخون العهد شيخة الغيد
...لو اوعدتني واخلفت في وعدها












شعر / الرئيس

الله علييييييييك يالرئيس والله لاتكفي كلمة صح لسانك بهذة الرائعه ومثل ماقال اخونا اخو شبطى عز الله انك تغرف من بحر ,قصيدة من اجمل ماقرأت في شعر الغزل ,صح لسانك وصح اختيارك,لاتحرمنا من هذا الشعر
تقبل مروري, وتم الختم