[امبرطورة بني رشيد]

>>>مصدومه> >> طبعا لي اسبوع مصدومه من بنات بمدرستي بنات بقمه الاخلاق كنت جالسه انا وصديقتي ابرار بالفسحه نفطر ومروا من جنبنا شلة بنات من ثالث متوسط انا جلست امدح بنت فيهن معرفتي فيها سطحيه مو ذاك الزود بس بقمة الجمال قالت لي صديقتي بجنبي اسكتي قسم لو تعرفيها لتكرهينها كرهك لأبليس قلت ليش عاد لهدرجه تكرهينها وسكتت صديقتي وهي بداخلها كلامها استحلفتهابالله تقولي وياليتني ما عرفت قالت .. هالبنت قذره هي وشلتها اوسخ بنت بالدنيا هالبنت انا على اعصابي والف سؤال يدور براسي قالت هالبنت تتعرف ع شباب وتطلع معهم وتصور وخربت نص فصلها نص فصلها نفسها يحبن شباب ويطلعن معهم انا قعدت اسأل واهلهم وينهم وكيف يسوون هالسواه قالت صديقتي اهلهن لاهين عنهن وامهاتهن يطلع من العصر ولا يجن البيت الا بالليل ...اسواق ومشاغل وشغلات نسوان واكثر المدرسه يعرفن بقصتهن وساختهن انا رجعت للبيت ما اشوف دربي مصدومه معقوله هالكلام قسم لو البنت ما حلفت يمين ما صدقتها ما تغديت سكرت ع نفسي بغرفتي وجلست ابكي مقهوره امي دشت غرفتي تسألني شفيني وليش ابكي طبعا قلت لها اني متهاوشه مع فلانه وجلست تهديني ما اقدر اقولها لانها اكثر هالبنات من حينا ولو تدري تنقلني من مدرستي جلست ع حالي بغرفتي بس اسأل نفسي ليش هالبنات يخونن اهلهن وش ذنب ابواها وش ذنب امها وش ذنب قبيلتها دش اخوي احمد علي الغرفه فقدني وفقد هواشي عاد اخوي هذا اكبر مني بالثانوي وشخصيته تعجبني وقال شفيك حور ليش تبكي وقلت له السالفه قال اعرف هالقصه وسمعتهن بالحي كلها وبمدرستنا قلت معقوله كل الناس تدري واهل هالبنات ما يدرون وجلس يسولف معي قال يا حور انا اخاف عليك من هالبنات انا انقهرت قلت ليش مو واثق فيني قال حور لا تفهميني غلط انا واثق فيك وانتي تربية امي وابوي بس هالزمن يخوف البنت تخون اهلها وتجاهر بخينتها بزعمها انها تعيش قصة حب تنتهي بالزواج ومافيه رجال بالدنيا حتي لو كان مجنون يرضي انه يتزوج بنت خانة ابوها وامها قلت احمد انتم اخواني وتاج راسي وانت تعرف كل اسراري وتعرف من احب وتعرف من اكره وتعرفني عزتي ما تسمح لي اصارح احد بحبي له ايآ كان بس انا مقهوره من هالبنات ليش يسون كذا ليش يغضبن ربها ليش يطلع مع الرجال قال ..حور للأسف ما عندي جواب بس الي ما يحط مخافة ربه بين عيونه يسوي اي شي

من مدونه روح حور
حابه اقولها انك شيخه البنات وربي يحفظك ويوفقك لكل مايحبه ويرضى..