[امبرطورة بني رشيد]

اخباركم جميعاً ان شاء الله عال العال والصحة قدعه واخت الرجال ..
اليوم تصويرنا خاص حبتين .. رغم كرهي الشديد من الاقتراب من اي كائن حي حتى ولو كان ضبيب زغنطوط ... >"عايشه مع موكلي الاخت"
بس لا اخفي لكم امراً فلا زلت اكن لهم برحمه والعطف ودائما احط نفسي مكانه .. واتخيل نفسي مره صرصور وفيه عبسيه تلاحقيني بشبشب ولا مصريه تلاحقني باسطور ولا هندي صوب لي تفله بنت كلب وماشوف نفسي الا لابقه بزاويه ..
المهم احط نفسي مكان اي شئ لايمكن ان يتصورة العقل البشري ..

فسبحان الله طلعت مع الاهل يم الكورنيش وشفت شئ لايمكن تصورة وفد من البسسه"قطط" المشردة في ربوع بلادي الحبيب البعض من الناس يرئف بهم ويرمي لهم بقايا الاكل ويشوة منظر الرصيف " مايهم عنده لان موب شارع ابوة "ياخي كمل معروفك وحط الاكل في زبنه بعيد عن المشاة .. والبعض الاخر نجدة يرجفهم برجله اربعين كيلو لقدام والارواح بيد الله ان عاش فهو القط التي تنطبق عليه المقوله سبع و ابو سبعه ارواح وان مات فهو اقمط قط على الاطلاق ..

//
شكلي طولت عليكم بس خلونا نشوف الصور مع بعض من القطط المشردة على ارصفه الشاطئ ..
والله جمعتهم ماتنمل ..وناسه عندهم ..

/
/

طبعا مع الكم الهائل من الوفود شد انتباهي هذا المنظر قط ضعيف زابن بزاويه ماله من الشيطان طريق مادري من رانه بشبشب على عيونه بـ اقوى ماعنده وهجدة اربعين سنه ..
"الله المستعان ".. اتقوا الله ياجماعه في هلارواح والذي نفسي بيدة انكم مسألون " لاحد يضرهم ولا احد يتربص بهم ...

/
/

مادري ليه حاسه ان هذي هي الوحيدة من بين الوفد اللي عايشه حياتها بطول والعرض ..
عارفين ليه احم احم يقالها بها جن < الحمد الله والشكر اقول بس العقل العقل يمدحونه ..

/
/
ماكسر خاطري الا هذي تعبت من كثر الهجوله من شباب اللي انا اسميهم شباب الوكز والببي
حسيت انها تغني بينها وبين نفسها " الحياة حلوة لازم كل بسه تفهمها "
امسحيها بوجهي لبى الصبورة ياناث

/
/
وبعد هذا كله توجهت اناظري نحو البحر لبرها وجيزه ربما اجد وحده من هذه القطط حاولت الانتحار من وراي ..
ولكن وجدت بأن القطط اذكى من البشر فأنها تحاول ان تكابد الحياة بكل قوتها حتى ولو تم دهسها عنوة تجدها تصارع من اجل الحياة فكم من قطه عرجاء بيننا ,وكم من قطه ذات ذيل مقطوع ,واذن مقروم ,وعين مفقوعه ووو الخ .

/
/
وبعد ذلك امعنت النظر في رحيل الشمس وغبطت تلك الطيور على تحليقها" طبعا انتم السرب وانا قلبه> وربي ازعجتيهم خخخ انعن ام النشبه ياناث

/
/

وبعد ذلك عدنا الى منزلنا وانا لاازال احمل بعض من اسى على حال تلك القطط وبعد مرور ثلاث ايام من الحادثه ومناظر القطط
اتحداكم ماذا وجدت !!
وجدت هذا اللي في الاسفل مسربت في مستودع سيب مطبخنا مادري وين خش

/
/
نسيت كل العطف والرحمه واساليب الكوتي كوتي وبسبس .. وبغيت استخدم اسلوب العجرة والتمغيط بس ربي هداني في اخر لحظه ووضعت نسفي مكانه.. حريم الله يرحمنا برحمته .

وخيرا وليس اخرا اتمنى من الجميع ان يرئف بهذه المخلوقات والكائنات اللتي لها ارواح لاننا مسائلون عنها سيوم القيامه ..
وان يضع الجميع مكان هذه الحيوانات فرغم انها لاتعي ولا تفقه مايدور حولها الا انها تتألم وتمتلك حواس الالم .. وعذرا على الاطاله اتمنى اني كنت خفيفه الظل عليكم ..
محبتكم في الله : امبرطورة بني رشيد

الموضوع الأصلي: رجاءً اللي يحب يرجف القطط لايدخل< تصويري :) | | الكاتب: امبرطورة بني رشيد | | المصدر: شبكة بني عبس