عاداتنا هي علمت كيف البشر تصبح بشر
لك هالكلام اللي يلي...
في حرقتي قبل ايغدي...
كم شيخ صاح باوله.... والسيف فيدينه شهر...
انبيك وش هو آخره : قصه لها بطن وظهر...
ياللي على علم انتسب... بيوت الشعر اصل العرب...
كانت مواقدها لها نار ولهب...
الشيخ نادى للصبي : هات الحطب...
ما تنطفي ناري ابد... ودلالي تبشر بالسعد....
والشيخ عينه لولده....: خذ يا ولدي مني العهد...
صاح الولد في صوت ضج ابه المكان....
ابشر يبه... ابشر يبه !
مسكين يالشيخ الكبير... ما يدري عقبه وش يصير...
عقب السمل ... عقب الحصير...
صار ولده يلبس حرير... ونومه على ريش وسرير...
ويحلم كثيــر
ما عنده ايت مشكله الا المذله ساقته لدروبها سوق( ال.......... )
ليته درى... منهو رقد تحت الثرى....
ان الولد خان العهد.... والنار طفاها بديه.....
لا ما عليه....
ارض(ن) تدره بالسواد... يجني بها شي(ن) كثير....
من غير زرع ولا حصاد....
ليته درى ... منهو رقد تحت الثرى...
ما عاد بدو ولا عرب.... ولا عاد للنخوه نسب.... عند الولد