طويل العمر جعلك ما تضام
ليه تظلمني وأنا منك نصيف
تشرق الدنيا سوى قلبي ظلام
والربيع لغيري وأيامي خريف
يا طويل العمر عيني ما تنام
وليلنا أصلا بهالفترة خفيف
والصراخ بقلبي ما بين العظام
والأنين بصوته يغطي الحفيف
يا طويل العمر أرسل لك سلام
مع طيور الحب والشوق العفيف
فيه تلقى دمعتي ضمن الكلام
من عيونٍ شوفها بعدك كفيف
ما قصدت بكلمتي زود الملام
مير ما في القلب لا ما هو طفيف
كل صوبٍ فيه صابته السهام
وانبرى عودي على الخطوة ضعيف
هقوتي فيك إن ماليك الهيام
كيف شحّ إحساسك الجم اللطيف
كيف صار الوصل في حبك خصام
كيف صرت مفارقي وأنت الوليف
يا طويل العمر لو راح الغرام
ما بقى بعده بهالليل المخيف