[ابراهيم سلمان]

زعلان : قرب : زعلك الحين وش جابه

قبـل ثوانـي وحنـا جـونـا هــادي

خل الزعل عنك : لاتطري لي اسبابـه

أرضيك : لو أنك انت الظالـم البـادي

لو الزعل يبعد الغالـي : عـن احبابـه

ماكنت اعاندك وانت : تمـوت بعنـادي

خذني على قد عقل الشـوق : وعتابـه

وامسح بكفك : بقايـا دمعـي الغـادي

علمتني كيف اصير كتاب : تقـرا بـه

وعلمتني كيف اصير السيـل والـوادي

وعلمتني كيف أموت بحلم واحيـا بـه

ياحلمي اللـي توفـى قبـل : ميـلادي

بين الشوارع : صدى صوتك وترحابـه

ماغـاب عنّـي : ولا سمعتـه ينـادي