[رائد الذيابي]

اسمعوا بوح الحنين اللي سكنّي=واعذروني : لاخذل حرفي لساني
لاتعدّون السهام اللي رمنّي=وتسألوني : وش كثر عوج المحاني
( احسبوني طفل ) محتاج لتبنّي=عن حسدهم حافظ السبع المثاني
وازرعوني بالعيون اللي جفنّي=واقطفوني من على خضر المعاني
اطعنو صدر اليقين بسيف ضنّي=واشربوني دم لو ( جرحه نساني )
اسمحوا لي بين قوسي : التجنّي=آخذ المجني عليه بذنب جاني
آه منّه .. وآه منكم .. وآه منّي=من نبش فيكم ورى الصمت و حكاني !
واسألو بنهاية المشوار فنّي=( من وشم جرحي على صدور الاغاني ) !
و علموني وش يقول الشعر عني=هو أخذ من حسرتي ، والا عطاني
و سامحوني بس هالمرّه لأنّي=طحت من عقلي على قمة جناني