قالها زوجها ودي أتـــزوج ... ردت عليه بهالابيات
تبي حرمه ؟
وأنامثلك أبي رجّـــال !!
يشد حبال ظهري إليا البخت خانه ..
تبي حرمه؟؟
شعـــرها ليل وعينٍ كنها الفنجال
وأنا مثلك ابي رجال !!!
قليل أقوال وإذا ينطق يقطر حكمه لسانه
أبيه أفعــــال ...
وأفعاله تتم بليل كتمانه
تبي حرمه ؟!
وأنا مثلك ابي رجال !!
ماهوب تمثال !
مكون من شنب وعقال
وثوب يسحبه خلفه ...
عجز في كيّـها الغسال
أبي رجّـال له مبدأ ... له أفكار تلخبطني
وضلعي المعوج اليا مال ..
يعرف شلون يضبطني
أبي رجال!!
لاشفته تذكرت العظيم الله
وذكرت النار والجنة
ابي لي شاعر عذري
له احساس يغرقني
أبي رجــــــال !!
ماهو شاطئ ولاهـــــو رمال
ولا بزنس ولا هو ريـــال
ولكنه
هموم أمة
وكيف نفوز بالقمة ؟
وكيف نربي الأجيال!
نخلي بنتنا أنثى
ونخلق في الولد رجال
تبي حرمه؟
وأنا مثلك ابي رجال !
كثيرة بديرتي الأزوال
وقليل من بينهم رجـــــــــــــااال