[ماضي الرشيدي]

الليل موحش والمساري مـطاياه
والصبر في بعض المواقف مضره
ياجرح لاتنشد عن القلب وش جاه
الوقت ساق الكـاس حلـوه ومـره
سـود الليـالي ركبها ينـدب أخـطـاه
في عالماً غطى على الخيـر شـره
(ياحاتم) أسمعنى ترى العمر مضماه
قـدم جـيوشً دونها الفيـن كره
احـيـان بــشرح لزمـن عـن معـانـاه
وأحـيـان اقـول الصـبر لـله دره
كـفـنت لــى هـمن وسـددت مرمـاه
وشـيعـت جثمـانـه علـى كـل جره
ياعين دمعك تـأيهـن وسط مرعاه
مـاينفعك كثر البـكاء والتـشره
عزاك روحن من جفاالوقت مسقاه
ترقب طلوع الفجر مع كل غره
وأنا همومي حملـها مات وأنعاه
ابعد على أمن السماء والمجره
سربت قطا تارد عـلى غير مشهاه
وأحلامهن نونً على راس حره
بسامـح الـغالي وبـدمــح خـطاياه
لاونـها بـالقـلـب خنــجر ومره
بـأسـوقـها وأذكـــر أحـلـى مـزاياه
مـتهمـني لو جات مره ومره
لأني عرفت أن الزمن من ضحاياه
أنسان يستسلم لجل كسب دره
العـالـم ايـدافـع عـن اكــبر قـضاياه
وأنا عجزت أرسم على اللوح(هره )

الموضوع الأصلي: سربة قطا تارد على غير مشهاه | | الكاتب: ماضي الرشيدي | | المصدر: شبكة بني عبس