أول مشاركه لي في هذى الصرح
فاإليكم
وش اسوي مدام ان اليدين اللي معاي قصار
أبي آصل مدام اني على قمة جبل عالــــــي
يطول الليل واسهر واكتبك واصافح الاشعار
يغرد في سماء الاشواق تفكيري ومنــــــوالي
حزين وغيبتي طالت أدور للغياب اعــــــــذار
على قول المثل عذري معي لاتقطع وصالي
تصبرت وكسبت الهم خسرتك والجروح كبار
حسايف قلت: اعيش العمر لاداله ولا ســـــالي
عسى الله يقطع التفكير لأجل ارتاح ياستــــار
أبذكر ربي المعبود وأحطه على بالــــــــــــــي
نعم .. أزحف على ..حد السيوف وخافقي صبار
تحملت الطعون ولوعة الفــــــرقاء وغربالــــــــــــي
تعبت اسكت على جرحي تعبت وطول المشوار
على هونك ترى العجله من الشيـــــطان ياالغالي
أجي من غربتي مشتاق لاكن الزمــــــــــــــن جبار
يجيني شيء يجبرني على الغربه وترحــــــــــــالي
نعم كنا هنــــا نســـهر .. نحب.. ونعتـــني ونغـــــار
الأ ليت البحر يسمع صدى صوتي ومـــــــــــوالي
يهيض الشوق لاهز المشاعر طاري التـــــــــــذكار
يغيب الوعي من سكرة غلاك وحس بأحــــوالــي
مدام اني معك لا .. لا.. تفكر وأدفـــــــن الاسـرار
على شط البحر سولف على كيفك مع آمـــــالي
تخيل لو يجي طيفك كذا.. فجــاءه مع الــزوار
عليم الله بساعتها وش اللي يصــــير في حـــالــي
شعر/// يوسف محمد