قلت ماينقصك شيٍ من رمـوز الهـوى بس لايغريك زينك ترى سنّـك صغيـر
شايف ٍ للقلب بين الهدب جـرح ودوى والبلا والموت من بين الاول والاخيـر
قال لاتخبل وقلّي ضميـرك وش نـوى القلوب يقودها للهـوى سلـك الحريـر
قلت له هرجتك تشرى يابوطرف ٍ حوى بس خايف تنشغل بي وأنا وقتي قصيـر
وأنت لويسرح لك القلب مرّه ماضـوى وان أسرت القلب ماتعرف حقوق الاسير
وأنا لو تروى عيوني وقلبي مـاروى !! ماأستفدت من النظر لا قليـل ولا كثيـر