ياصاحبي بيني وبينك طال مرسول الغرام
أنا في دراي وأنته بدارك ولا يومً جفيت
الله لا يهينك على تقديرنا وقول السلام
منك ماشفت أيات زله بالوصل لامن لفيت
ماغير أرحب ياهلا ياعين أبوي بالكلام
وعيني لامن طاحت بعينك ضاع كل ألي بغيت
وأن قلت أمر وش بغيت ضيعت هرجي بالكلام
ألي أرتب فيه من صبحي وأذا شفتك سهيت
سهيت بعيونك وأقول أنا بعلمً أو أحلام
أنت الوحيد ألي على بعده ياروحي ماقويت
في حبكم مايلومني لا شايبً وألا غلام
من حظي الطيب لقيت الطيب يومني هويت
هويت بيتً بالشرف من قوم لابست الوسام
على الشرف وضحا النقا حب البدو فيك أهتويت
هويت أنا دارك على شانك ياسيدي مانلام
تكرم مدينه شان خاطر عين من معها رضيت
رضيت منه بكل حاجه وهو معي شرق شام
والله مايومً مضى منه تندمت وبكيت
يرتاح صدري أن قال وشحالك ياخلًي لي عام
ماشفتكم وهو الصبح جالس معي يومي صحيت
يقول لامن غبت لحظه تصير في عيني أعوام
أنت العمر وأنت الذي بالحب كلي أفديت
وصلك علينا مثل ماكد قيل زادي والمنام
حبك سجن وأنا رضيت بسجنكم وأنت المبيت