البارحه يوم كلن نام بفراشه
وانامن اللي بقلبي طاوي فراشي
هواجسن همها قلب العناء ناشه
من همها صارمنها الراس منداشي
لاجيت ابدله مع اللي دالهن جاشه
اللي بدنياه بين الناس معتاشي
همه يدورعشاه وكشخة قماشه
من كبرقلبه الياشفته تقل حاشي
مامردرب الغرام ولابعد حاشه
ولاذاق سهم العيون وعكش الارماشي
ذكرت من نظرته للقلب نهاشه
اللي يخج الضلوع ويجرح الجاشي
لعل من لامنيبه يشكي غباشه
واللي يقوده يجي في عينه غباشي
احتل قلبي وصاربداخله باشه
سلمته القلب والمفتاح بالكاشي
كله لعينه ومجدوله ودنداشه
والمبسم اللي حماره لاضحك غاشي