[حنان الرشيدي]

اقتباس من مشاركة أميرة البنات هلا وغلا بحنووووووووووو ياإبت وينك <<ومتى ترجعين لنا بالسلامه o_o ابتس مكانتس خالي o_o ومشتاقين لتس o_o

أستاذنك بسافر أيام واجيك = وان طالت ايام السفر لا تحاتي

حتى ولو طولت ماني مخليك = ياللي بدونك ويش تسوا حياتي

تامر على حاجه بودعك وآليك = عسى عوض الأيام فالمقبلاتي

حتى يدي ماودها تفارق يديك = ساكت وأنا اشوف البلا في سكاتي

ماشفتني لا رحت منك التفت فيك = بلاي والله روحتي وإلتفاتي

لكن قبل ما اروح ودي أوصيك = وانت الوحيد اللي يقدر وصاتي

لحد ٍ سألك وقال لك وين مغليك = قل له لوازم لا قضاها بياتي

وإن طروا النسيان ماني بناسيك = ياراس مالي فالحياة وغناتي

وإن طروا السلوان ماني بساليك = طيفك معي حتى وأنا في صلاتي

قلبي وهو قلبي إذا مر طاريك = لولا ظلوعي كان عزوا مماتي

لو جض صدري كان يمديه ياتيك = ويبات عندك ويهنا بالمباتي

أنا..وقلبي..والغلا..ساكن فيك = وانته..وقلبك..والغلا..وسط ذاتي

غلاك مثل الحكم عند المماليك = أكبر طموحي...لا...كل أمنياتي

شف في غيابي أي حاجه تسليك = لأني بعدك أسلى مع ذكرياتي

أحاول اذكر أي شيٍ يطريك = واقول هو سوا وأنا ذي سواتي

كني موادع كل شيٍ حواليك = وكني حسبت حساب حزت وفاتي

أحب لأني ما اقدر انساك وأبيك = ولا اقدر أخليك ياللي تحاتي

معنى أحب...ومااقدرأنسى...وأخليك = يعني بدونك ويش تسوا حياتي

^
مو كأني شطحت ؟ :(