[شاعر الصعاليك]

اقتباس من مشاركة دامي الحرف يعلم الله أنها إرتجاليه .. أتمنى أن ترتقي لذائقتِكُم .. . . ياليل .. والمسرى يجيب الطواريق = والنار .. تحرق كل حياً وطاها والقلب سجاته .. تحد المعاليق = للجادل .. اللي وجه شعري قراها خشفٍ .. حلاها دوروه المطاليق = واستهجنن .. كل العذارا حلاها لامن مشت .. هامت جميع المخاليق = كن الأسد .. يحبي ويدبي وراها واليا تثنت .. صرقعت بالغرانيق = شغمومها .. يطرّق ويبدي بلاها مزيونةٍ .. شطت قلوب العشاشيق = ريميةٍ .. دج الغظنفر معاها ان غرّبت .. غابت جميع المشاريق = وان شرّقت .. غاب القمر واحتراها وان سلهمت .. شفت الصدور المغاليق = مست شورابها .. وقصت لحاها واليا بكت .. مات الزهر والزماليق = كن الزهر .. حالف يخالط شذاها واليوم .. قفت طيبات التوافيق = والحظ الأقشر .. عن عيوني خذاها والضيق زمته .. الظلوع المشافيق = وأوجست .. صكات الهموم وغثاها واقفيت .. اصايح مع صياح السواويق = وأمتر .. خطوط الحِجاز وفلاها . .

صح لسانك يا دامي الحرف ، نص رائع وفاخر جدا
سلمت يمينك يالغضنفر هههههههههه