[ابن اخزيم]

سجيت رجلي فيك ياقاع الاوهام @ اطرد سراب اللي ذبحني غرامه
عامين حب وويل واحيان ماانام @ من شاف حالي قال هذا علامه
مايدري ان القلب بالحيل منضام @ الضيم الاول غير عن شخص ضامه
مات الامل ضاعت جميلات الاحلام @ ماعاد ينفعني العتب والملامه
مشيت درب الحب واقول قدام @ وهالحين ضايع وين درب السلامه
نفس الهبال اللي مضى لي من اعوام @ نفس الشقاء نفس التعب والندامه
كذب وصحيح او شي يطلع بالافلام @ امرن مقدر ماعرف وش نظامه
مدري متى تشطب على الهم الاقلام @ مدري متى حظي تشيله عظامه
ماني براحل عنكـ ياقاع الاوهام @ يمكن تجيب اللي ذبحني غرامه


الشاعر / بـــــــــــدر فالــــــــــــــ الرشيدي ــــــــــــح

الموضوع الأصلي: سجيت رجلي فيـــــــ ياقاع ــــك الاوهااااااام | | الكاتب: ابن اخزيم | | المصدر: شبكة بني عبس