[السااااامر]

هذه القصيده لشاعر عبدالله بن باتل:

مامعي امر وامر ولاني بناهي=من يوم قابلته وانا في متاهه
ابتلهى مير ماني بلاهي=مالي عنه سلوى ولالي دلاهه
مكن غيره يلفت الانتباهي=وحكين بغيره صار عندي تفاهه
عسى معه ربي يتم الوجاهي=واقضي معه لو يوم فترة نقاهه
مثل القمر وجهه وبالزين راهي=وذكن غزير وفيه كثره بلاهه
وغموض فيه وعز نفس وتباهي = غير الدلع والكبرياء والنزاهه
والله ياهي شي والله ياهي= تبوه لياحاولت وصفه بواهه
وله نظرتن تسلب عقول الدواهي= ويضيع دربك ليانظرت اتجاهه
وحده وادب عن شي فيه اشتباهي=لو بالعسل كرهك صابك كراهه
والرمش والطخمة وسود سواهي= واليبتسم كن البرد في شفاهه
بس اتجاهه صار عكس اتجاهي=ومن سو حظي صرت عكس اتجاهه
واخفيت حبه لين جفت مياهي=وتوي بديت اشعر بنفسي سفاهه

الموضوع الأصلي: فترة نقاهه | | الكاتب: السااااامر | | المصدر: شبكة بني عبس