البارحــه مـــا بـيــن همــي والاوراق
جر القلم طاروق حزنٍ يسلّيه
واسترسلت ابيات شعري من اعماق
الموقف اللي مر وازريت اعدّيه
موعــــد لقــا مبني عــلى نيّة فــراق
كان الاخير وضيق الصدر طاريه
ولا هي غريبه لو اقول الصدر ضاق
لكن الاغرب كيف ما اودّعه فيه
كانت دموعـــه تختنق بين الاحــداق
ونظرات عيني تقتله ثم تحييه
كنــي جلست اعــّلمه كيف يشـــتاق
وكنه يعّلم شعري شلون يرثيه
شح الزمن بمواصله والمسا ساق
حزن القصايد والعتب والمشاريه
ياليل والله مــــا ورا ليلك اشــراق
النور عانه يسحبه في خطاويه
عشاق قلي ويش او ليش عشاق
الا ضحايا وقت مدري شسّميه
يقطع سنين العشق يا درب الاشواق
ياليت بيدي شي واقدر اسويه