[تعبت منك]

يا نايم بالهناء والعافيه ماأقول صح النوم .. تلذذ بالنعاس وبالغفو وأحلام ورديه ..

عسى تتقطع أسباب الصحو يا حلو لين تقوم .. وتشبع من تناهيد السرير أحضانك الحيه..

على ظهر الرساله من خدودك قطَر اليشموم .. ويا قلبي عليهم ساعة الروحات والجيه..

مدامك منسجم وملايكتك قامت عليك تحوم .. محصَن والأمور الباقيه في الصحو مقضَيه..

لو إن الأمر بيدي ما حسبت لفرسهم والروم .. ولكن ما رضيت أفرح وأزعَل خاطر بنيه ..

أعد أيَام ما ترحم لياليها حشا مفطوم .. أدوَر لك بها ما بين تسلـيمتـــي .. والنَيـه ..

أعزك ما قدرت أحجز لها معنى ولامفهوم .. وأحبَك أزهرت رغم إنها ذبلى ومنسيه..