هنا - برد - ولبس صدر السما هالليل
................... هنا الأشياء تِتْعاتب مع الأشياء !
هنا [ عتمه ] وانا في داخلي قنديل
................... انا عتمه .. ومن حولي كثير اضواء!
هنا كذّب عليّ [ ابريل ] وراح ابريل
................... وخلّاني لبيبه خااانها الإيماء!
ربع ساعه وتجيني [ النادله ] .. بتْشيل
................... بقايا قهوتي .. [عفواً أبي لي ماااء ]!
نشَف ريق الشعور وحاجته [ تبليل ]
................... هلَك جسم القصيد وصاااابه الإعياااء ..!
تعبت آفضفض دْموعي لصدر منديل !
................... تعبت أقول للفرحه : أبي أصداء !
تعبت آشّد من حيلي وطاح الحيل
................... تبعثر لين صار أشلاء فوق أشلاء !
انا ماميل لاقام [ الشعور ] يميل
................... انا مابوح لا شفت الصدور [ اعداء ]!
اصبّ [ النور ] في كفّ الفجر... ويسيل
................... أصير أرجاء لا ضاقت بهم أرجااء !