|
|
brain death الموت الدماغيالسلام عليكم و رحمة الله و بركاته اهلا بكم .. اليوم موضوعي ج
السلام عليكم و رحمة الله و بركاته
اهلا بكم .. اليوم موضوعي جدا مهم , و يكثر و جوده في اقسام العنايه المركزه .. و هو عن the brain death .. طرأ على بالي لكثرة الحالات الان المتواجده عندنا و اغلبها بسبب الحوداث خصوصا في الاعياد ( احنا نسميها مواسم الشغل ) لان الشغل فيها يكون مره كثيف و حالات الموت الدماغي جدا خيالي , مثل في تكليف عيد الفطر جات لنا حالات لا يقل عددها عن العشره كلها موت دماغي و بعدة اعمار تبتدأ للاسف من عمر 3 سنوات الى 80 سنه ..
الموضوع راح اطرحه من جميع جوانبه :
اسباب الموت الدماغي
ماهي الاعراض اللتي تدلنا على حدوثه
ماهي الفحوصات المتطلبه لتأكيد حدوث الموت الدماغي
ماهي الاجراءات المتبعه مع مرضى الموت الدماغي
ماهو دور مرضى الموت الدماغي في التبرع بالاعضاء
ماهي شروط التبرع بالاعضاء
ان شاء الله كل هذي النقاط راح اغطيها معاكم , خطوه خطوه , و اعذروني ان الموضوع شويه راح يكون شويه كبير ,,
و طرحي للموضوع بيعتمد على الخبرة العملية المرتبطة العلم النظري المتعلق بالموضوع .. يعني راح يكون باركتيكال اكثر من انه نظري ..
طيب نبـــــــــ ـــــــــــدأ
ماهو الموت الدماغي ؟
هو عدم قدرة الدماغ بعمل جميع وظائفه الحيويه و موت خلاياه و عدم قدرته على ارسال الاوامر او استقبالها لكل اعضاء الجسم ..
أسباب الموت الدماغي :
له عدة اسباب مختلفه منها :
Cardiopulmonary arrest
لمدة طويله اكثر من 20 دقيقه و عدم الاسعاف و توفير الاوكسيجين في الوقت المناسب و في وقت قصير يؤدي الى ما يدعى بـالـbrain anoxia و تلف في انسجة و خلايا الدماغ بسبب نقص الاوكسيجين مما يمنع عمل العمليات الحيويه بالدماغ , و المعروف ان الدماغ هو اكثر جزء حساس لنقص الاوكسجين و خصوصا ان نسبة استخدامه له يصل الى حتى 60% .
Severe cerebrovascular heamorrage
مثل في حالات ارتفاع الضغط الشديده او ما يدعى بالـhypertensive crisis بحيث انthe syastolic يصل الى 250 و الـ diastolic يصل الى 150 .. يسبب نزيفا شديدا في الدماغ و اذا ما صار مانجمينت سريع يدخل المريض في موت دماغي ..
Severe head injury
وهو بسبب الحوداث الكبيره و اللتي تسبب معها نزيف في الدماغ , Brain edema, severe brain contusions, skull base fractures
ماهي الاعراض اللتي تدل على حدوث الموت الدماغي :
طبعا neurological assessment لمرضى العنايه جدا مهم مهما كانت حالتهم المرضيه للمعرفه المبكره بحدوث أي عطل دماغي عند المريض , و هذي الفحوصات روتينيه تصير في كل شفت , و عند بعض المرضى تعاد لاكثر من مره في
الشفت الواحد , و هذي الفحوصات هي :
(بملاحظة ان كل هذي الاشياء تصير و المريض بدون sedation و هذا مهم جدا )
- Coma or unresponsivness
- Absence of brain stem reflexes
-المريض في حالة الموت الدماغي لا يتحرك ابدا, حتى لو عملنا له painful
stimuliماا راح يتأثر ابدا , بالعاده المريض راح يحرك جزء من جسمه , او اذا كان على تخدير راح يصير tachycardia كدليل على الاحساس بالالم .
احيانا المريض تشوف في اطرافه حركه ردة فعل على خزة ابره مثلا شي بسيط , طبعا هذا الشي ما ينفي وجود الموت الدماغي لان الحركه اللي صارت نسميها spinal reflex .
- Apnea
The pupils –
We will see if they are reacting to light or not, if they are equal in size not , what is the size, what is the shape
هذي الصوره تبين اختلاف المقاس عند تعرضها للضوء ..
ففي حالة الموت الدماغي سنرى ان pupils تكون مثل الفقره fixed dilated
The corneal reflexes
عند فحص عين المريض و اقتراب أي شئ عند القرنيه فالطبيعي هو اغلاق العين , في حالة الموت الدماغي راح يكون corneal reflexes are abscent ..
The gag reflex
بما ان المرضى اللي نتكلم عنهم في العنايه و اغلب الاحيان على جهاز التنفس , فإن سهل اشرح لكم ايش هذا الريفكليس , و هو باختصار لما ندخل suction cathter في الفم او في انبوبة التنفس المريض كردة فعل راح يصير irritated and coughing , الرغبه بالكحه او رد الشي الغريب الموجود بالحلق يسمى بالـgag relfex و في حالة الموت الدماغي ماراح تكون موجوده ابدا ..
Blood pressure
ضغط المريض يكون منخفضا و يستدعي مرفعات ضغط inotrops, و عدم
الاستجابه للعلاج ..
hypothermia
المريض حرارته تصير تحت 36
ماهي الفحوصات المتطلبه لتأكيد حدوث الموت الدماغي:
هذه الفحوصات كلها يعملها استشاري او اخصائي فقط و هي اكثر من فحص و هم :
- Oculocephlic reflex
مثل الصوره اللي تحت في فقرة A, B , يمسك راس المريض , تفتح العينين و تحرك الراس يمين و شمال , كرد فعل طبيعي لما تودي الراس على جهة اليمين راح تلاحظ ان العين تلف على الجهة اليسار بحيث انها نتظر بشكل مستقيم , و العكس .. اما في حالة الموت الدماغي فلما ناخذ الراس و نلفه على على اليمين فالعين ايضا تلف الى اليمين و العكس ايضا و توصف بأنها doll eyes .. يعني مافي ردة فعل عند المريض ,,
- Oculovesicular reflexes or caloric ice-water test
و هي بنفس الصور اللي تحت في الفقره C, في هذا الاختبار راح نحتاج الى :
Gloves
Kidny basen
50 cc NGT syringe
NGT tube
Sterile blade
Very cold water
راح تاخذ NGT tube و تقصها بالبلايد من النص و راح تاخذ الجزء العلوي منها , تجهز الماي البارد او بالعاده احنا ناخذ عبوة نورمال سالاين و نخليها بالثلاجه عشان تبرد بس ما تتثلج , و نفتحها , نعبي السيرنجه بالماي البارد , راح ندخل
الانبوبه في اذن المريض و نركب عليه السيرنجه , و نخلي البايسن تحت اذن المريض اليمنى عشان الماي نزل فيها , بعدين الدكتور راح يفتح عين المريض اليمنى , و يدفع الماي الى داخل اذن المريض , بقوه معقوله , و يراقب تحرك العين مع دفع الماي بنفس الوقت ,, كرد فعل طبيعي ان العين مع دفع الماء البارد راح تلف على جهة الماي و هو اليمين , اما في حالة الموت الدماغي , فان العين لا تتحرك , و نفس الشي يعاد على الاذن اليسرى مع العين اليسرى ..
شرايكم بكره نكمل
لاحد يرد 
|