الاقتباس غير متاح حاليا
بعد التعديل من الأخطاء الأملاىيه وأعذروني على عدم التدقيق بالكتابه
العفيري قالها ياغناته مايجول
لو ثواني بالغدر والوفى كلا لها
هيه يابنت النشاما ويابنت الأصول
أسمعي هرجه وقلبه معاكم قالها
مايميل الفكر مع غيركم لو مر حول
مالفيتي والمراسيل قطع أحبالها
لو كبرت وصرت جد أبد والله ماتزول
الشهور ألي مضت لي معك بليالها
معك معك ياغناتي معك في كل جول
لو زماني خانني والديار وأطلالها
صاحبي ياصاحبي هالفكر كله ميول
يمكم بالعشق ولغيركم ما مالها
صاحبي وأن صرت عندي ياجعلك ماتزول
أرتكي لحومل عبس وكلها أشتالها
الحمل فوق المتن وأنت قدامي تجول
ماأحس بحمولنا أخفافها ةأثقالها
ضاق صدري غزتي أه من صدري الملول
داركم يابعدها والفكر لي أيخالها
صرت أطرش من غرامك وكني أمهبول
أن حكى لي أحد قلت عيد أقوالها
ماسمعتك الأذاني تعبانه نقول
الشكى لله ياخوك وغيره مالها
رحمة الله واسعه ربي جراف السيول
مثبت الأرض بهضابها وجبالها
أنه أيحقق رجايا ورجاها بالعقول
وتصير قسمه بالشريعه عسى الله أيقالها
في شريعة من أرسله الله رسول
ينذر العالم عقالها وجهالها
غير حبً بالشرف كفنا له ماتطول
والرداوه ماني منها ولا ممشا لها
الرداوه للردي والفحاله للفحول
ونميز العالم جهالها وعقالها
المثل كد الراس مايتبع ذيول
واضحه ياصاحبي والمثل كد قالها
وأخر الهرجات قلبي معاكم أمتلول
مايخونك طال عمره أو قصر في حالها