وليف قلبي راح في ظـرف ساعـه
هو راح عني واشهب الحزن ما راح
البعـد مركـب والجفيـا شراعـه
والصد جرحً فيه برق الحـزن لاح
نور القمر يحزن خفوقـي شعاعـه
واحس في صدري بريق الغلا فـاح
ما عاد عنـدي للفـراق استطاعـه
واشوف حظي كل ما قام لي طـاح
كني مسـوّق والمشاعـر بضاعـه
والصدق راس المال والود الأربـاح
الصدق مضمونـي وعنـدي قناعـه
بإن الرجا به قفل و الحـب مفتـاح
الحـب يـزرع بالخلايـا إزراعـه
والوصل ساقيه والاخـلاص فـلاًح
ما تقطـع جـذوره وتجفـاه قاعـه
وما تفرط الدعوه كذا فرص مسبـاح
وأن كان عندك للفـراق استطاعـه
فجهـز لفرقانـا مخابيـط وسـلاح
وسلم على روحك وقـل للجماعـه
ترى خلي الهم في الوقـت مرتـاح
منقول