جيتك من اقصى بلاد البرد ادوّر دفاك=واقفيت من بعد ماشبيت لي صدري
ياشاوي القلب ماظن الظروف اتخفاك=الموت هجرك واشد من الهجر صبري
تخطي واجيك اعتذر لك والتمس من جفاك=العفو والحلم لـ أجل ابعد عنك هجري
أوآآآه ياليتك إليا اخطيت تعرف خطاك=صدقني إني لـ اجازيك بجزل شكري
خل التصدد ولا يغرك بقلبي غلاك=لو جيت كلي ترى الزم ماعلي قدري
مايذلني حب لو عزي إحياض الهلاك=آرد على احياض عزي واحفر قبري
من أولك ماقدرت آصل معك منتهاك=مات الحماس ابخفوقي وإنتعش عذري
يابيري اللي حفرتك كان غيري هواك=لا تخاف مني وانا ليلٍ طلع فجري
رح الله يسمّح ادروبٍ تبيها خٌطاك=حتى لو إن الثمن محسوب من عمري
مالي حسايف على خمرٍ تضمه اشفاك=انا لي الله عن خمرك وعن سكري
بياض وجهي خجلك إليا افتخرت برداك=وإن مر طاريك أكيد ايسدني خبري
كنت احسب إنك وطن والحب يملا سماك=واقفيت مجروح لكن حافظٍ قدري