ياعاذلين القلب خلوني ارتاح=سادس خريف وراحتي ذكرياتي
لي حق اعيش بواقعن مابعد راح= يأسر خفوقي وألمحه بأمنياتي
عشته ثواني بالأماني والافراح= وعلقت به قلبي وباقي حياتي
عشته مدى كان اتجاهي للاصلاح= وفقدت به كنز العمر مع جهاتي
طحت ولاطاح اللي على صرختي باح= بأن الصبر والمعذرة من صفاتي
شمت وخذيت اشتات من هيكلٍ طاح= و اوكلت للحرمان يكتب وصاتي
لاشمس لاقمرا ولانور مصباح=صيحة ظلام بنظرتي والتفاتي
خلوني اسلى مابقى كثر ماراح= خلوني ابقى فوق قارب نجاتي
لو عشت متضايق ولو عشت مرتاح=حر وعلى كيفي.. وهذي حياتي