السسسلام عليكم وررحممة الله وبركـآته ..
هذا جديدي وأتمنى إن ينـآل ع إعجـآبكم ..
ما اخطيت في حقك ولاني بناسيك
يوم الخطا شرعك ونهجك ومبداك !
جرعتني مر الخيانات بيديك !؟
وانا يديني تطلب الله لقياااك !!
صرفت لي من بنك ( كل التعب ) شيك !
وانا اشتري به راحتك واشري رضاك
جملة همومي انت .. وشلون مابكيك ؟
وابكي على حلم انخطف مع بقاياك ؟
وان كان دمعات الغلا ما اثرت فيك ؟
ماني بحاجة دعمك ومد يمناك ؟!
الله يسهل لك طريقك ويحميك !؟
وعن معضلات الوقت والناس يرعاك !
مغليك مات .. وماتت ايام مغليك !!
ولا يبي حتى مع الناس ذكراك !!
بعته وخليته وهو كان شاريك !!
واليوم بعد الهجر .. باعك وخلاك !!
كان الوفي وانت القسا كان كاسيك ؟!
واصبحت وافي بعدما الصد عرّاك !
وش جابك امن البعد ؟ والبعد مرضيك ؟
وانت اتعرف صاحبك ماعاد يبغاك !!
اباختصر دربك ودربي وبارضيك !!
لي قول واحد بس لو كان ما ارضاك !!
لا تعتذر .. ما عاد لي حاجتن فيييك !!
الله معاي .. وربك الفرد ويااااااااك !!
محمد العتيبي