السلام عليكم ورحمة الله وبركاته
تحية محبه لكل الاخوان بهذا الصرح محمله بكل مايليق بكم
من ود وتقدير
نبارك للجميع
فوز نواب القبيله في مجلس الامه بــ ( خمس مقاعد ) في انجاز جديد يدل على تكاتف وعزيمة الرجال
مدخل
بهذه الابيات اللتي كانت بعد فوز نواب القبيله في الدوره الماضيه
بأربع مقاعد كما كانت بالسابق وكانها متوارثه .. وسبق لي القائها بااحداء الاحتفالات بدولة الكويت الشقيقه
فــي دار مــن لــظيافتــه راع الـــذلـــول=شكـــر / وعـــرب مــن كــفاه ظــيافتـــه
ســـلام مــن بــاب المحــبه والميـــــول=يادرع دســمان وأمــــــن مخــــافـتـــه
يااحـــفاد من شوفـــه تمــناه الرســول=يـــامجــده /وتــــاريخـــه / وثــقــافـــتــه
عن شعـب ابو متعب عريـبـين الاصول= من القــهد والابيـــض وعـــرافـــتــــه
جــينا نبــارك بالتكاتــــف والدخـــول=بالمـــجلس اللـــي فيه ترفــع لافـــتـــــه
أربع مقــاعد لا تــزال ولا تـــزول= من عبــسي لــ/ عبــســي يــجـــي بـخــلافـــتــه
وبعد
( الخمس مقاعد )
المسبوقه بعدد كبير الانجازات الكبيره
أهداء :
لكم ولكل رشيدي في شتى أرجاء المعموره
( فخر جيل )
رفيف برق .. ونفح طيب .. وفخر جيل = ماقلت لي ياصاحبي وش تخايل ؟
ياصاحبي قبل ابرهه يركب الفيل = تاريخنا للناس مظرب مثايل
ان كنت ماتدري .. فهذي تساهيل = وان كنت ؟ مبطي سرج الايام مايل
وش عاد لو ضاقت صدور المهابيل = وباعت ذممها في جميع الوسايل
ماللحديث بصدق الامجاد تاويل = والزور ماله بابيض الفعل طايل
أفهق عن جداد العلوم المساميل = لو جرة الفرسان خير الدلايل
ياصاحبي / عطني عذر للمقابيل = وحنا بهالدنيا شعوب وقبايل
مامن عذر .. كل البسيطه مداهيل = أمجاد / وبلاد / ومقام / وفعايل
من ظفت النهرين الى ماورى النيل = ومن المحيط اليا خليج الفضايل
الأرض تعرفنا سواحل وأساطيل = حتى السما الرحبه نجوم ومخايل
لاوالله الأ مبعدين المحاويل = بني رشيد أحفاد عبس الاوايل
نفخر بحاظرنا كرامه وتبجيل = ونفخر بماظينا صروح وسلايل
عاداتنا نرهي بشرب الفناجيل = لاطار ستر منقضات الجدايل
وعاداتنا درع الوطن والمصاقيل = ويكفيك من دسمان رد الجمايل
أمجادنا ماهي دعايه وتهويل = والشاهد اللي فيك سوى الهوايل
الرابطه خلت عيونك درابيل = وغيرك موريته نجوم القوايل
مخرج
محبتي/ مهل الرويضي
[/quote]