أسمع أسمع يالعمده ، أخر الأخبار من حزب الاحرار
يا ناصر خنيفر سلام وتحيات = يا معاصر الاجيال جيل بثر جيل
البارحه طالعت فـإحدى الروايات = قصة ما بين التسلية والتعاليل
تقول يا ما كان في عصر قد فات = والناس في ظلمة كما ظلمة الليل
وبوسط غبات البحور الغميقات = يعيش وحش(ن) سبب الرعب والويل
يسبح بخمسة روس وسط المحيطات = وزود الضخامه لامشي كنه الفيل
يفطر على وحوش(ن) وياكل نباتات = وشربه من البحرين وايديه بالنيل
وأهل القرى حوله يبون السلامات = مسترزقه فالحط والربط والشيل
يسعون لاجل انه يعيش الملذات = ومبدأ السلامه غير شرب الفناجيل
واللي يبي العليا يشد العبارات = وأيقدم اضحية من الضان والخيل
وأيقوم في بعض الامور المهمات = ويلزمه تال الليل جر المواوويل
ومثلك يا بو خنيفر خبير استشارات = تعرف علوم البادية والمعاميل
مدري صحيح اللي بوسط الحكايات = والا خرافة ما تيبي شور حلحيل
لاشك هذي من نتاج الصحافات = خلت عقول الناس مثل الطرابيل