يامستجيب لدعوة الداعي على الفعل محمود=ياراعي العصمـاء الاصيـل اللـي مجـود كورهـا
نابـي قـرا عـن مايشيـل بطانهـا فـجـا عـضـود=مـادق مـن سـرعـة خطاويـهـا بيـدهـا زورهــا
ماهـاب راعيهـا لهيـب القيـض واجـداب العـدود=لوهي جراهيـداّ مـن الرمضـا تواشـا صخورهـا
طش الجبال السود عن يسراه وعروق النفـود=وادلج مع دروب السبـاع اللـي تعـش نسورهـا
عنده على قطع الفيافـي لاسـرا ليلـه صمـود=مالـد عينـه فـي نضـر حـول العـيـون وعـورهـا
عينه على قلعة مضارب عبس حافضة العهود=اللـي علـى عــز وكـرامـه عـامـرات قصـورهـا
يامرحـبـابـه عـــد بـــراق المـخـايـل والـرعــود=غر المزون اللي يسيل السيـل مـن ممطورهـا
وسميتاّ ترخـي ثعـول الخيـر وتفيـض السـدود=من غبهـا تلقـى علـى جـرد السهـال زهورهـا
للطيبـيـن نـشـوش ونـفـل الـزوالـي والـــورود=والـبـل كـرامـة ضيفـنـا نخـتـار مــن مقهـورهـا
في روسنا طنخة اليـا زادو هـل الواجـب نـزود=ماهي حديثـة عهـد فينـا مـن زمـان عصورهـا
عـوايـد الاجــداد ياغـالـب قـبـل عـــاد وثـمــود=تبقـى مـع الاجيـال واهـل الـزور يبطـل زورهــا
ياغـالـب الهـيـلا مـطـوعـة المـكـابـر والـعــرود=لامـنـهـا دارت رحــــاة ام الـهـجــاد سـيـورهــا
يثـنـون ويـهــدون هـــدات الـنـمـاره والاســـود=حتـى لـو ان اخصامهـا مثـل الجبـال حصونـهـا
انـتـم عتيـبـه بالمـواقـف والجـيـتـم للـشـهـود=وحنـا ماخذنـا بالمـواقـف راي قــوم وشـورهـا
الله يديـم امـن الـبـلاد بـضـل حـكـام السـعـود=ويحمي وطنا من جميع اهل الفتـن وشرورهـا
والله يبيض وجه عيد عبيـد فـي جمـع الوفـود=انــا اشـهـد انــه كـفـو بعـمـالاّ يـديـر امـورهــا