نبع الغـلا عنـدك وعنـدي مصبّـه
ومن الوله.. في خافقي لك ..ولاياات
وطيفك حطب عيني..وعينـي مشبّـه
والشوق برد ٍ ما انقطع لو للحظـات
ومكانك الصدر ولـك القلـب شبّـه
بين الضلوع اللـي فردهـا التنهـات
ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات
محبتـك فالوقـت ذا مــا تشـبّـه
الا بخيمـة بـدو بيـن العـمـارات
ان شفتني ضايق واهوجـس واسبّـه
اخاف غدر الوقت.. والوقـت دورات
لا تحسب ان دمعي نـزل دون سبّـه
ابكي من الفرقا وهـي مابعـد جـات
الـيـوم كــل امورنا..مستـتـبّـه
وبكره ماندري وش معه من مسـرّات </i>
</i>