السلام عليكم ورحمة الله وبركاته
اقدم لكم جديدي
يقول
يامغير نظرتي في مفاهيم الحياه=يوم مابه درب غير اتعنى واسلكه
البحر يغرقك لو لابس(ن)طوق النجاه=كم سباح(ن)غدا طعم في حلق سمكه
لاتجي قدام علمي وترحل من وراه=وانت فيك الخير لو قيل مافيك بركه
تعرف البير المسمى وماتجهل غطاه=تسبكه قدام غير يحاول يحبكه
الذهب غالي ومايشترونه من غلاه=كود تجارن ليا غلي سعره تدركه
شاهبندر لالقى بايع النفس اشتراه=يحسبن المال ياجعله حاكم مملكه
مايميز في صباحه ولايميز مساه=والفلك دوار والأرض صايبه حركه
وياوجودي كل مادارت حبوب الرحاه=وانطحن قلب(ن)من الحب وضعه يربكه
ليتني ماذقت طعم المفارق من شفاه=دق قلبي مثل دقت طبول المعركه
خانني والحب يصعب على العاشق هواه=لعنبو قلب(ن)مابين الحنايا يملكه
مابيديني غير اغني يا لا لاه يا لا لاه=وارتكي للحمل ثم اتعوذ واتركه
حسبي الله كيف خلاني ادور رضاه=عقب ماعدل فوادي ورد وشربكه
ياعسى يومه يجي قبل يومي ياعساه=دعودت(ن) من مسلمن مايعرف الفبركه
واشكره الله واحمده دام انا قلبي نساه=والحبل مقطوع وايديننا ماتمسكه