يامصادف الذكرى مع ايامك السود..
خطيتك........ياكيف...... ندفع ثمنها
ليل الحسايف شاب والجرح مولود...
ترسم لك الذكرى وتبدى زمنها
يرسم لك الفرحه علي يابس العود..
وغبار وقت فات عقبي دفنها
احد سلا ماله من الحب مردود..
واحد ظلم نفسه معه وامتحنها
طاح الشراع الصعب مع هبة النود..
والموج في مرساه يأمر وينها
انت الذي حطيت مابيننا حدود..
في لهجة قشرا وكل فطنها
وانت الذي مديت يمناك بعهود..
وانت الذي بالعين غظيت عنها
عديت بك وديان وبحور ونجود..
خليتها روحي وغيرك سكنها
واليوم قلت الحل والحل مفقود..
احلام ذاك الوقت قفى ظعنها
صوتك نثرته في رجا درب مسدود..
رده صدى وغبون لابد منها
مايسمعه مجروح لاصار مقصود..
ومايرسم الضحكه لقلب طعنها
ارجوك لا تعتب على ايامك السود..
خطيتك لابد.. تدفع ثمنها