آواخر عام 1429هـ عندما تخرجت من الثانوية كان آخر عهدي في كتابة القصائد لم أنقطع عن النظم ولكن أكتب
خربشات شعريه بيتين وثلاثه لاترتقي لقصيدة ! وأنا وربي لااستحق لقب شاعر فـ ابياتي مزاجية وشعرية تحكمة
الظروف والعواطف وهذا المسسسساء هاضت قريحتي بعدة ابيات اتمنى تنال إعجابكم ^_^
قالت وداع وقلتْ لحظة ثواني=انا أنتهيت وماحصل منك مسموح
ومن صعب موقفنا تلعثم لساني=يقول أنا راحل وأنا منك مجروح
وقالت فـ أمان الله وذيك الأماني=تجدف على شاطئك يومين وتروح
قلت الوفاء قالت أخذت وعطاني=مثلة مثل برقاُ على مزنة يلوح
وقفت لي ساعه وانا في مكاني=وجريت لي طاروق والصوت مبحوح
وهوجست بالفرقاء ومن قبل أعاني=جور الزمن ياأصحابنا و00000؟
لو أن حظي فـ الزمن ماعطاني=غير الحسافة مع صواديف وجروح
ياهية يامن في كلامه كواني=الصدر من ضمك ترى عندي يفوح
ياهية ياللي مسكنك في المحاني=وشيدّت لك قي القلب أبراج وصروح
وشلون تتركني بقسوة زماني=وصدور عذالك تمتلي غيض وتفوح
أسمع ترى برجيك لآخر زماني=ويجيبك اللي حافظاً بالبحر نوح
وأخذ الكلام وتزهاه بيض المعاني=القلب لك مفتوح والباب مفتوح
هواجيس ( سند المجنون )
آخر تعديل بواسطة سند الداموك ، 12-01-2012 الساعة 01:30 AM.
|