[قصيدة اعجبتني للشاعر (( عبدالله بن سبيل ))
(( يرحمه الله ))
اتمنى انها تنال رضاكم
قالوا جهلت ...!
يا الله يا اللي تسجد لرضاه =يا وامر خلقه على حج بيته
تفرج لمن سده على الناس ما أبداه=راضي على مقسومك اللي عطيته
شي يسل الحال والجسم يـبرراه=والناس ما يشفونه إن ما شفيته
قلت آه و اجرحاه من خلتي آه=وإن حملوني حمل غيّن قويته
قالوا سفا با لحال ويش اللي اغواه=قلت آه ويش المنكر اللي وطيته
قالوا جهلت وبان علمك لمثواه=قلت آه علمي يا ملاما كميته
قالوا طلبنا لك من الله معافاه=قلت آه وحدته وعفوه رجيته
قالوا هله وأحباب عينه نصحناه=قلت آه هذا وارد ما بغيته
قالوا ندور لك من البيض حلياه =قلت آه لو غيره بكفي رميته
قالوا نشاش العود مالك بلا ماه =قلت آه عود الموز بأيدي لويته
قالوا تزوج كود تدله وتنساه=قلت آه لو خذت أربع ما نسيته
قالوا من أقصا الناس وين انت وياه =قلت آه منسا يوم جاني وجيته
قالوا عليلِ ناقل داه براده =قلت آه با قرابي ورحي فديته
قالوا نشير ولا نفع ما حكيناه =قلت آه هراج النمايم عصيته
قالوا كثر شيبك وقلبك بعمياه =قلت آه لو قلبي غرير نهيته
مطاوع قلبي بعجفاه واقداره =وليا عطا منهاج دربِ عطيته
يا ناس خلوا كل وادي ومجراه =قتلوا كثير وقولكم مالقيته
مع تحيات دفء المشاعر