[ذابحه النوم]

اقتباس من مشاركة أسايرها تعاندني أولاً : أشكر جدتي حنان وكل أعضاء قروبنا الموقر على جهودهم. ثانياً : أنت ياذابحه النوم وبكل صراحه وصدق أنا مدري كم عمرك .. لكن كل ما اشوف ردودك وبعض مشاركاتك .. أقول هذا اللي عقله أكبر من سنه .. ونورت كرسي الأعتراف ويامرحبااا بك بكل زمان ومكان. يامرحبا فيك يالغالي والنور نورك ويسعدني اطرائك الجميل وهذا من طيبك ولطفك ^_^ // الأسئله: 1- وش رايك بالتفحيط والتطعيس..؟ التفحيط اعتبره شذوذ وتخلف (عفوا عن هالالفاظ لكن هذي نظرتي ) التطعيس متعه بالذات اذا على ددسن وكل شوي مغرس ومنسم الكفرات ههههههههه 44- وش رايك بالناس اللي كل شيء بحياتهم بالواسطة..؟ صراحه الواسطه ظلم لانفسنا و للاخرين لكن صدقني اننا نكره الواسطه وحنا اول من يعمل بها انا من الناس اللي يقول ذبحونا بالواسطات ومن هالكلام واذا صارت مشكله لاحد اعرفه رحت اكلم له ناس عشان تنحل مشكلته او اذا بيتوظف احد وصارت له مشكله مانخلي احد الا ونكلمه ومن بكره نلعن ونسب بحقين الواسطات هههههههه 52- ماهي أفضل قارة بالعالم..؟ اوروبا 71- وش رايك ببرنامج خادم الحرمين للأبتعاث..؟ برنامج رائع لكن ينقصه بعض النتظيم 97- ماهي أفضل دوله بالعالم "بنظرك" ...؟ افضل دوله زرتها واعجبتني اسبانيا 100- يقال سنة 2011 م لن تتكرر .. وش رايك..؟ فعلا صحيح لان مامضي من الايام لايمكن يعاد ^_^

وسعيد بحضورك واسئلتك الراقيه
وحياك في اي وقت :)