يادرعنا وصل المقص *الشوارب*
شواهد من التاريخ*
للشاعر جازي جابر البغيلي*
يقول من مرت عليه التجارب *
عينه تنام وهاجس القلب مانام
من وقتنا اللي حل فيه التضارب*
ومن خاف من هالوقت ماهوب ينلام*
والموت مايتركك لو كنت هارب*
لو كنت مقفي عنه تلقاه قدام*
وتطلع علينا الشمس ولها مغارب*
وفي طاعة المعبود يجرن الايام
هذي منازل حينا والمضارب
عشنا بها في حزة العسر وانعام *
وفي الارض *من غير الافاعي *عقارب*
ونمشي علي البيداء حفياة الاقدام*
وفيها النبات وصافيات *المشارب
وفيها الاسود اللي تخفي بالاظلام *
ويااهل الخليج استوعبوا للمئارب*
خافي السراير بينتهن الاعلام *
وياصاح لمو شملنا بالتقارب*
وتعاونو مابين شعب وحكام*
حنا ترانا كلنا فوق قارب *
علي ضفاف البحر والموج لطام*
ويادرعنا وصل المقص الشوارب*
مير احتزم للذيب بحزام ضرغام*
وان لبسونا الحرب حنا نحارب*
وليا جنحوا للسلم حنا اهل الاسلام*
*