[الزعيم..]

هني طفل ٍ مابعد لاعه الهم= يلعب مع الأطفال والقلب داله

وهني شخص ٍ للهوا ماتعلم = يكره اليا اطرو عند وجهه مجاله

عزّاه انا ماعاد بي قطرة الدم= جسمي نشف والقلب زاد احتماله

ازعل واشق الجيب واصيح واشتم= والناس تحسبني على حسن حا له

وانا مريض القلب وادواي معدم= والعقل مني زاد فيه انشغاله

على الذ لاشاف زولي تلغثم = خشف ٍ ملك قلبي بزايد جماله

توه صغير وبالهوا ماتعلم = لاشك حطمني بروعة دلا له

لا شافني عابر مع السوق سلم= اظهر خديدا مثل برق بخياله

واليا وقف عندي واقام يتكلم= اقليبي المسكين يكثر هباله

واليا نضر نضرة حنان اوتبسم= غديت له مجنون ليلى بلياله

يشهد على الواحد الحي الأعظم = مايوم مافارق خيالي خياله

الموضوع الأصلي: هني طفل ٍ مابعد لاعه الهم | | الكاتب: الزعيم.. | | المصدر: شبكة بني عبس