ألا ياليل ياطولك على من يسهرك بأشجان (( صوتيه ))
مساء & صباح الخير
كيفكم أخواني وأخواتي
هذي أبيات قديمه لي
أحببت أن تكون بين أيديكم
لعلها ترتقي لأذواقكم
وتنال إعجابكم
وهذي صوتيه لمن يريد تحميلها
رابط التحميل صوتيه
7
7
ألا ياليل ياطولك على من يسهرك بأشجان=يحاول يجمع أفكاره يكثّرها ويقلّلها
يجي لك من جنوب ومن شمال ومن مجال(ن) ثان=عسى ربه إله الكون يرحمه ويسهلها
ألا ياليل ماترحم بحال العاشق الولهان=رمته بنية(ن) ماتعرف الرحمه لخايلها
كحيله عينها خلقه وهي ماتكحل الأعيان=وعليها أهداب تذبحني ليا قامت تبادلها
وخديها كما توته ولا هو زيف بالألوان=أحسب إنه خجل وأثره عظيم الشان جمّلها
وعليها مبسم(ن) يفتن ونور الشمس خلفه بان=ولو ماتبتسم بانت ورى الحاجز فعايلها
ثمان(ن) بيض صفتها كما صفة جيوش ألمان=بحرب(ن) ليلة الظلما غدت تشبه قوايلها
وعنق(ن) مثل عنق غزيّل(ن) يسرح مع البران=ليا شفته تحلف إنه مايقوى يشيل جادلها
وجلد(ن) من نعومتها يبيّن خلفه الشريان=كأن أستغفر الله ربي إمن الخلد نزلها
ولو إني يوم أوصفها أجيب القاصيه والدان=ماجيت بربع مافيها بحرفي يوم أمثّلها
ماغير أعيد ألا ياليل ياطولك على العشقان=ليا منه ذكر خله وكثرها وقلّلها
آخر تعديل بواسطة المجبور ، 18-12-2011 الساعة 09:28 PM.
|