قصيدة الفارس ثامر بن سعيده في معركة الحسو
--------------------------------------------------------------------------------
الفارس الشاعر ثامر بن سعيده الرشيدي، من اشهر واعظم فرسان الجزيرة العربية له صولات وجولات وبطولات عديدة خاض العديد من المعارك الخالدة من اشهرها غزوة(( اشريفا)) ومعركة ((الحسو)).
قال هذه الأبيات بعد معركة الحسو المعروفة الكائنة مابين بني رشيد في قيادة الشيخ صنيتان بن شميلان ((الملقب لوفان)) وبين بني عبدالله من مطير بقيادة الشيخ جهز بن شرار المطيري:
لاعدت يايوم على تالـي الجيـش=بإيمن شعيب الحسو عنـد الثمايـل
لحقوا مع الوادي جموع بن درويش=وابن شرار وكـل سمـو القبايـل
جونا وجيناهم سـوات الدراويـش=وهوش النشامـا للنشامـا هوايـل
يضدهم لوفان مـروي المعاطيـش=لوفـان لـواف العـداء بالفعايـل
لحقوا على قب المهار المداغيـش=وبحضونهم يازين روس الأصايـل
لحقوا على ستين قبل أدهم الجيش=وقفوا على عشرين والـدم سايـل
لولا القفوش مع العيال النواحيـش=رحنـا ولاعنـا عريـب مسـايـل
الياقضن قفوش عكـف النواتيـش=ردوا على حدب السيوف الصقايـل
بريقهن مثل البـروق المراهيـش=وقطعـك ياهـرج بلـيـا دلايــل
ربع بشمطاء اللحاء يابرق الريـش=ونادن بعضكن ياالسبـاع الهزايـل
نثني خلاف اللي برجله عوابيـش=يوم الردي ضاقت عليـه المحايـل
لعيون من رمشه كما صفت الريش=رمشه جديـد ولابرمشـه سمايـل
