[عيد الداموك]

يَاقَلْب كلّكْ وفا رغْم التّعَبْ وَ الطّعُون
تعِـيش بَالعِزّ ، لو تَبقَى جرُوحكْ دَهَرْ

مَاغَيّرتْك الامُور الخَافِيَهْ وَ الظّنُون
بَالسّرْ تُوفي وَلا يخْفِي وفَاك الجَهَرْ

حَزَنْت بفْرَاق مِنْ مَسْكَنْه وسْط العيُون
اللّي غِيَابَه مَاعَاد ، ايّام والاّ شَهَرْ

قسيت بَالبعْد ، يَالْغَايِبْ و قَلْبكْ حَنُون
ليتِكْ ضميت الْوَصِلْ ، وآجيك كلِّي نَهَرْ

مِنْ لاَمِنِي لاَ شَعَرْت بْانْهِيَار وْ طعون
دامِكْ شَريت الغِيَاب ، وْ بعْتِني للسَّهَرْ

أحبّكْ العمْر كلّهْ ، و اوْعِدكْ ، مَا أخُون
شُوف الزّمَنْ مسْتلمْ عمْري لـجَرْحَهْ مَهَر

أنَا رجُلْ - طيحتَهْ مَا هِيب - شَيٍّ يهُون
خَانَتْه الايّام - وبْعينَهْ - دمُوع القَهَرْ

عَزِيز نَفْس ، وْ مَعَ اللّي بَالقِسَى || يَثْبتُون ||
و || عِزّةْ النّفْس || ، هَالايّام ، كَسْرَةْ ظَهَرْ

الموضوع الأصلي: يَاقَلْب كلّكْ وفا رغْم التّعَبْ وَ الطّعُون ..(قروب الشطحات ) | | الكاتب: عيد الداموك | | المصدر: شبكة بني عبس