أبيات أتمنى أن تحوز على رضاكم
أثر الخوي والخلا والرجم والسجه=عن قرب بعض الخلايق مكسب وراحه
تغني هل الطيب عن شوفة هل الدجه=الي سواليفها عوجا وفضاحه
روسً خلقها الولي للنصب والجه=لاهي بمنطوحه ولاهي بنطاحه
الراس دايخ وصنت أذني الصجه=وعيني لقشر الليال السود لماحه
ولوي توجهت مدري وين متوجه=مثل الوحش لا تذير رف رف جناحه
عن ضيقة البال ودي أنحر الفجه=ورتاح من همي الي ركز رماحه
وبعد عن الناس واخذ فرغتي حجه=ماني بتاجر وهمه يحسب أرباحه
فقير والجيب لو يحتاج ماحتجه=مغنيني الله بعز النفس والراحه
وسلامتكم