صبآح / مسآء ~ الخيــر ^_^
اللي عليها الغنـج طبـق راحتيـه
والغنج خصلـه تحتـوي خصايلـه
دايم مفضح بي وأنا ما أقـول ليـه
فضايحـه تسـر الهمـوم الجايلـه
صغيـر ومدلـع ومزيـون ونبيـه
أخذت لـي عاميـن وأنـا أحايلـه
جيته رجل عاقل معه خافق سفيـه
مـا لوثـة دم الحـيـاة الزايـلـه
أنـا فـدى الغمازتيـن بوجنتـيـه
ويذبـح قلبـي وياكبـر غلايـلـه
والموت لاسولف وعـض بشفتيـه
أيقنـت بحظـوظ العبـاد المايـلـه
هذا وهو ملقـوف وعنـاده كريـه
ليـا ركـب راسـه وقـام يشايلـه
وليا زعل حتـى اتصالـي مايبيـه
وليا رضي يزعـل علـى موبايلـه
وأنشافني زعلان والخـوف يحديـه
تشبـع الجـوال مــن رسايـلـه
بزر(ن) قسم وجه الدلع عشرة وجيه
وتعـددت علـى الدلـع فضايـلـه
مدلعـه جـده برغـبـة والـديـه
تدليـع جـد وتختلـف وسايـلـه
وانا الضحيه والبـزر مالـه شبيـه
عنده لرفـع الظغـط قـدره هايلـه
لاشافنـي مقبـل يسلهـم ناظريـه
سلهام خبـث ونيتـه متحايـلـه
وأن قلت له بشويش شب الله عليه
قـام يتكسـر وأسبلـت جدايـلـه
وسمعتـه يتمتـم ويشرلـي بيديـه
والله لطلـعـك نـجـوم القايـلـه
دلوع ماهمـه وأنـا مجبـور فيـه
ومسامحـه مهمـا تكـن عمايلـه
دامه يعرف أني على أية حال أبيـه
وشلـون الومـه وأتقـي حبايلـه
وأنا عشان أجيه لاحبيت أجيـه
صاحبت من شانـه جميـع العايلـه
للشاعر
مطلق
النومسي
ودمتم بــود .,.,