[عبدالرحمن هليل]

هذي القصيده مني لسعد الذيابي

البارحه بالقلب مثل الدوافير.
شبت على قلب العنالين ذابي.

يومن كلن نام فوق الاسارير.
عفت المنام وخاطري منه طابي.

وقضيت ليلي بالعناوالتفاكير
اعدواغلط بالعددوالحسابي

عليه يلفن واردات ومصادير
وشنن عليه بشلفهن والحرابي

سبة غياب ام النهودالمزابير.
اللي عليه طولت بالغيابي.

مدري ولاكن جعل بغيابها خير.
ارسل وعيت لاتردالجوابي.

والصد طال ولالفى عنه تبرير.
صبري نفذ ماشفت منه المثابي.

مدري زعل والا نحته المقادير.
والا تمادى في غلاه وعذابي

مدري ولاكن يانديب المدواير.
قم ودلي مرسول يم الذيابي

قل ياسعد هات الخبروالتباشير
ياشوق من يزهى جديد الخضابي

يابن الرجال اللي على اللازم تغير
اللي يفكون الطلب والنشابي

بني رشيد اهل الدلال المباهير
اللي لهم قدر وغلا واحتسابي

احفاد عبس مفرقين الطوابير
وقت مضى يوم اللقى ماتهابي

يوم المغازي والسنين المغابير
يوم الحروب وبين رد الطلابي

لفعالهم تشهد زحول المناعير
اللي بعينه شاف حذف الرقابي

قول الصحيح ولادخل فيه تزوير
عنهم حكى التاريخ ولهم كتابي

وانت اكتسبت الطيب وبدربه تسير
من ساس طيبك ياعزيز الجنابي

وانا عليك اسندت شكوى الغنادير
ومثلك مجرب بالهوى ماجرابي

شكيت قبلي ناحلات الخواصير
بالحب لك منهاج وقت الشبابي

ومثلك يفيد ويعطي الراي ويشير
وابغى مردك يوم جاك الخطابي

وختامها عداد ماغرد الطير
سلام عد سهولها والهضابي

الموضوع الأصلي: قل ياسعد | | الكاتب: عبدالرحمن هليل | | المصدر: شبكة بني عبس