[.last breath]

.

..

هنا آآتفّرق منك ... وهناك اجتمع وآذوب فيك
والخوف جايز من هنا والموت حتمي من هناك

و

أكبر دليل إني ... ليا حاولت يوم أزعل عليك
لقيت قلبي كل ما يزعل / يدوّر عن رضاك

ماجاك يهلك في نجاتك ... جاك ينجى بك هليك
لانّ / النجاة (بما تنص اللائحة ) عندك هلاك

ياللى هلاكك ... مبتكر على نظام الهدروليك
مهما يكن حجم الألم ... يمنع وجود الإرتباك

لبّا الهلاك اللي كذا ... يوم انتهي به وأبتديك
وألقى نظام الطيش يرسمني على فوضة صبااك

أبيك ياعمري ... وإذا ما تعجبك كلمة / أبيك
خذها بـ لهجة ساكنيين (دبي) ياعمري آباك

يكفيك لامن غبت ... مالك إسم غير إسم المليك
وإن جيت عقب غياب ... مالك إسم غير إسم الملاك

حشمة غلا وإلا غلا حشمة ... وذيك تعز ذيك
غلاك يفضح حشمتك ... وبحشمتك يستر غلاك

يا قبلة الله كل ما أتخيّل ... تقوّس حاجبيك_^
لاطارت عيونك عجب !!! وأغضيت من زايد حياك

آفقد وجود الجاذبية وآرتفع لك ... هيك هيك _*
وأطلع بعد أكثر وأكثر ... لييين تحضني سماك

وألقى سماك ... تلفّني من حول كوكب ناظريك
وأسمع مماليك الكسل ... تفخر بـ عهد الإمتلاك

حالة تجرّد وإرتجاج ... وهلوسة تُنسب إليك
أمّا أتحمّلها عنك ... وإلا أتحمّلها معاآآك

مع إن مالي ذنب ... بس أقول / يرضى لي عليك
الله يسعد لي صباحك ... قبل يسعد لي مساك

شفت إن ربّي سلّمك أمري ولا لك أي شريك
إلا أنت ...
.......وعيونك ...
....................وخدّينك ...
.................................................وتذويبة شفاك