الله يهنيك بي والله يهنيني
والله يديم الغلا مابيني وبينك
ساعه اشوفك يزين الكون في عيني
واشوف كل المحبه تنطق بعينك
ما اظن شي حبيبي عنك يغنيني
كل يوم يكبر بعيني حسنك وزينك
مزيون وصفك وسيد في المزاييني
واحب طبعك وطيبه قلبك ولينك
ان غبت عنك دقايق تشتكي بيني
وان غبت عني يصيح الشوق بي وينك
ما اقوى فراقك دخيلك لا تخليني
ما دام قلبي امانه بس في يدينك
انت بحبك تراك محلي سنيني
يا بعد عمري عسى الله يحلي سنينك
بالدنيا عندي رضاك ولا يكفيني
والله يديم الهنى مابيني وبينك