[سعد بن عادي]

على عرفي وسام التجربه وهّج بريق النوط
من ابداع الزمان اللي لقاني صفحه لخطه
مداخل لـ/ الذهول وناتج الواقع يجيب قشوط
ليا شفت الرسوم اللي وراها افكار منحطه
قطعت اشواط فالدنيا ولا اعرف كم بقا من شوط
تحت ستر الكريم ولا لسيري فالزمن خطه
مضالي ما مضا والصبر فعزومي رسن مربوط
ومركاظ الليالي ما نقل شفي ولا حطه
لا صار ان المراجل ما نحصلها بدون شروط
ولاهي حظ للي عن صلاته نومه يغطه
واذا طالعت لـ/ الدنيا وانا مع غفلتي مبسوط
لقيت الغبن شايط والليالي معه مشتطه
ترى عرف الليالي يا مدله خاطري مغلوط
وقلبك كان هاب التجربه في خوظها سطه
واذا سويت فعل الطيب وجاء من خاطرك مسفوط
تتقا عن مذاخيره وخلفك ياولد قطه
وانا مما لقيت تقول في غب البحر مغطوط
شوانا حتى البحر ما سارت اقدامي على شطه